முதலில் எதிர்பட்டாய்
புள்ளியாக நீ
உன்னைக் சுற்றி முடிக்கும்போது
தெரிய வந்தது
உன்னைப் போலவே
மேலும் ஒரு புள்ளி – ஒரே மாதிரியான
புதுப் புள்ளிகள் பூப்பதும்
அவற்றை நான் தொடாமல்
கடப்பதுமான நாடகம்
தொடங்கிய முதற் புள்ளியின்
சுற்றருகே முடிந்தது

சிரித்தபடி மீதியிருந்தது
முதற்புள்ளியான
உன்னோடு ஒரு புது சிநேகமும்,
மிச்சப் புள்ளிகளைச் சுற்றி
என் பாதைகள் நெய்திருந்த
ஒரு கோலமும்.