Skip to content

காதல் ஓவியம்

பன்னீர்ப்பூ தேகம் பரதம் பயில
கை வீசும்போது காற்றெல்லாம்
மருதாணிச் சிவப்பாக
கால் சலங்கையின் ஒலி அதிர்வில்
புறாக்கள் படபடக்க
ஜதிக்கு நீயாடும் நாட்டியம் பார்க்க
நின்று செல்லும் நதிக்கு ஆவல்
என் கண்கள் பழகிய
கிணற்று இருள் நீ
சலங்கையின் சத்தத்திற்கு
புறங்கையில் முத்தம் வைப்பேன்
மல்லி வைத்த உன் வாசம்
எனக்கு புலப்படாத அபிநயம்
சொல்லிடும்
ஓசைகளால் ஆன என் வாழ்வில்
பல ஆசைகள் உன் வரவால்
உன் பாவடை அசைத்த காற்று
என் சுவாசமாக
காட்டிய ஆரத்தியை கண்ணில் வைப்பாய்
என்னில் பாதுகாப்பேன்
உன் உள்ளங்கை வெப்பம்
கனவென்பது தெரியாமலே
நீ பேசவது கேட்டு காட்சிகள் செய்வேன்
பார்வை வேண்டாம் பாவை
நீ என் விரல் கோர்த்துக்கொள்
போதும்.
Published inUncategorized

Be First to Comment

Do you like what you read? or hate it? Please let me know what do you think.. I would love it!

%d bloggers like this: