Skip to content

நீல நிறத் தீ

உமி கொட்டிய சிறு அடுப்பு
வயதாகி மழுங்கிய மரப்பெட்டி
பொன்னிற பிரஷ்
சிறு வயர் கூடையில்
சில்வர் டப்பா உணவு
மூக்கில் இறங்கும் கண்ணாடி
இவை கொண்டு
மஞ்சள் நிறத் தீயக்
குவித்து நீலமாக்குவான்
குவிந்த வெள்ளை நுரையில்
உலோகத்தின் அழுக்குப்
போக்குவான்
குழந்தை போல கொலுசுகள்
கிடத்தி மணி ஒட்டுவான்
சிறு நாணல் குழைக்குள்
செப்பு குழை இறக்குவான்
கடையில் எட்டிப் பார்த்து
நேரமோ, அன்றைய விலையோ
சொல்லும் அவன்
வாசலிலும்
அவர் தம் செய்த நகைகள்
ஏசி கடைக்குள்ளும்.

 

Published inUncategorized

Be First to Comment

Do you like what you read? or hate it? Please let me know what do you think.. I would love it!

%d bloggers like this: