Skip to content

Date archive for: February 2010

ந‌ல்ல‌ ப்லாட்டாம்

கேள்விப்ப‌ட்டேன்,
ந‌ல்ல‌ ப்லாட்டாம்..

ராய‌ப்பேட்டை,
மைலாப்பூர்,
எக்மோர் என்று
ந‌க‌ர‌த்தில் கிடைக்க‌லாம்,
கிடைத்தாலும்
விலை ப‌ல‌ம‌ட‌ங்கு அதிக‌ம்

ஊருக்கு வெளியே என்றால்
த‌ர‌மிருக்குமா
சொல்ல‌ முடியாது

தாம‌திப்ப‌தும் முடியாது
நிறைய‌ கேட்டாகிவிட்ட‌து
ரொம்ப‌ யோசித்து

அங்கே இங்கே என்று
காசை எப்ப‌டியோ
பிர‌ட்டி

உத‌ய‌த்தில்
பார்த்துவிட்டேன்
ந‌ல்ல‌ ப்லாட்டுட‌ன்,
புதிதாக‌ வ‌ந்த‌
திரைப்ப‌ட‌த்தை.

அப்பாடா..என்ன‌ வெயில் !

த‌ர்பூச‌ணி,
ச‌ட்டைக்கு ப‌ட்ட‌ன் போடாத‌
ஓட்டுன‌ர்க‌ள்,
பாறை தெரியும் கிண‌று,
தாரில் நெகிழ்ந்த‌
ம‌ஞ்ச‌ள் கோடுக‌ள்,
ம‌ஞ்சில்லா வெளி,
ம‌ண‌ல் ஆறுக‌ள்,
மொட்டைமாடியில்
தெளிக்க்க‌ப்ப‌டும் நீர்..

 எல்லாவ‌ற்றை விட‌
“போன‌ வ‌ருஷ‌த்தைவிட‌
இந்த‌ வ‌ருஷ‌ம்” வ‌ச‌ன‌ம்,

இப்ப‌டியாக‌
கோட‌ங்கி சொல்லாம‌ல்
வ‌ந்த‌து கோடை.

தைரிய‌சாலி அம்மாதான்

சித்ரா ஸ்டோர்சில்
ம‌ந்தார‌யிலை வாங்கி
தையிலை செய்வாள்

அடாவ‌டி பேர‌ம்
அம‌ர்க்க‌ள‌மாய்ச் செய்வாள்

மூன்று ம‌ணிக்கெழுந்து
ப‌ம்ப்பில் நீர்பிடிப்பாள்

என் காலில் ப‌திந்த‌
ஸ்கேல் த‌ட‌த்திற்காக‌
ச‌ர‌ஸ்வ‌தி மிஸ்ஸை
மிர‌ட்டியிருக்கிறாள்

ப‌டிக்க‌லைன்னா என்ன‌க் கேளு
என்று ச‌ண்டை போட்டு
ஒன்றிலிருந்து மூன்றாம்
வ‌குப்பிற்கு மாற்றினாள்

ல‌ஷ்மியோ, முர‌ளிகிருஷ்ணாவோ
எல்லா மேட்னிக்கும்
கூட்டிப்போனாள்

தைரிய‌சாலி அம்மாதான்
த‌னியாய்த் த‌விப்பாள்..

சாலையைக் க‌ட‌க்க‌,
எஸ்க‌லேட்ட‌ரில் ஏற‌.

துரியோத‌ன‌ன் துயில்

ம‌காபார‌த‌க் கூத்து முடிந்து
ம‌ல்லாந்த‌ வாக்கிலே
மண்ணிலே
பெரிய‌ துரியோத‌ன‌ன் செய்து,
சுற்றி வ‌ந்த‌ பீம‌ன்
தொடையில் ப‌ள்ள‌ம் வெட்ட‌,
ச‌ட்டியில் வைத்த‌
ர‌த்த‌த்தை பூசி
பாஞ்சாலி ச‌ப‌த‌ம் முடித்தாள்.

பின்னாளில் புல் முளைத்து,
ம‌ழையில் க‌ரைந்து,
புத‌ர் ம‌ண்டிப் ப‌டுத்திருந்தான்
துரியோத‌ன‌ன்.

எங்க‌ளுக்கு சொல்ல‌ப்ப‌ட்ட‌து..
த‌ர்ம‌ம் செய்த‌ க‌ர்ண‌ன்
மோட்ச‌த்தில்,
துகிலுரியும்போது தொடை த‌ட்டிய‌
துரியோத‌ன‌ன்
மாடு மேயும்
மைதான‌த்தில்.

%d bloggers like this: