நல்முத்துப் பஞ்சணைமேல் நீயிருக்கும் வேளையிலே.. [ நீ எங்க தனியா இருந்தே.. ] நல்முத்துப் பஞ்சணைமேல் நாதனுடன் நீயிருக்கும் வேளையிலே நின் சொல்முத்துச் சொற்களால் எந்தன் குறை தீர்க்கச் சொன்னால் உன் வாய்முத்துச் சிந்திடுமா.. வாழ்வளிக்கும்.. அம்பிகையே ! - தருமி , திருவிளையாடல்
மாஞ்சா நூலில்
சிக்கலெடுப்பது
காம்பஸ் வைத்து
தடங்கலில்லாமல்
வட்டம் போடுவது
பட்டறையில்
கண்ணில் விழுந்த அல்லது
கையில் குத்திய
உலோகப் பொடியை
எடுப்பது
காலில் உள்சென்று
உடைந்த முள்ளை
எடுப்பது
குழந்தையின் விரல்களில்
நகம் வெட்டுவது
இவையும்
நுண்கலையென
அறிவோம்
துணி துவைத்து முடித்த
அம்மாவின் உள்ளங்கை
குழந்தைகளை குளிக்கவைத்த
பாட்டியின் உள்ளங்கை
அருவியிலிருந்து வெளியே
வந்தபோது பார்த்த எங்கள்
உள்ளங்கை
மழையிலும் ஓட்டிய
ரிக்ஷாக்கரரின்
உள்ளங்கை
இப்படி ஈர்த்துப்போன
உள்ளங்கைகள்
பலவகையிருந்தாலும்
மறப்பதற்கில்லை
ஐஸ்வண்டிக்காரரின்
வண்ணமயமாக
ஈர்த்துப்போன
கை விரல்களை.
கல்யாணம் முடிந்த
பிற்பகலில் நாற்காலிகள்
அடுக்கப்படும்போது
மே மாதம்
வகுப்பறைகளை
பார்க்கும்போது
நீரில்லா ஆற்றுப்பாலத்தை
இரைச்சலோடு
கடக்கும்போது
பந்த் அன்று
கடைத்தெருவைக்
காணும்போது
எண்ணெய் தேய்த்து..
கம்மலில்லாமல்,
மூக்குத்தியில்லாமல்
அம்மாவை பார்க்கும்போது
ஏற்படுவது.
செகண்ட் ஷோ/ஷிஃப்ட் முடித்து
பயமில்லாமல் வரலாம்
விடிகாலை ஊருக்கு வந்து
யோசிக்காமல் வரலாம்
எந்த துரத்தலும் இல்லாமல்
பைக்கில் வேகமாகப் போகலாம்
ஓடும் குழந்தைகளை பின்தொடர்ந்து
நிதானமாக சோறூட்டலாம்
சுத்தம், குடும்பங்கள், குழந்தைகள்,
மரங்கள், அமைதி, தண்ணீர்
இவற்றை மிஞ்சி
வீட்டின் உரிமையாளர் கூட
சொல்லாத ஒரு விஷயம்
26 பி மெயின் தெருவில்
ஒரு தெரு நாய் கூட
இல்லாதது !