நல்முத்துப் பஞ்சணைமேல் நீயிருக்கும் வேளையிலே.. [ நீ எங்க தனியா இருந்தே.. ] நல்முத்துப் பஞ்சணைமேல் நாதனுடன் நீயிருக்கும் வேளையிலே நின் சொல்முத்துச் சொற்களால் எந்தன் குறை தீர்க்கச் சொன்னால் உன் வாய்முத்துச் சிந்திடுமா.. வாழ்வளிக்கும்.. அம்பிகையே ! - தருமி , திருவிளையாடல்
ரிஸஷன் முடிந்து
போனஸ் வந்ததை
மகிழ்ச்சியோடு தெரிவித்தார்
பண்பலை அழைப்பாளர் ஒருவர்
“மறுபடியும் ரிஸஷன்
வந்தா என்ன பண்ணுவீங்க கண்ணன்”
என்ற கேள்விக்கு
கவலையான காலரிடமிருந்து
கனத்த மௌனம் பதிலாக வர
ரிஸஷன் அர்த்தமறியாத
தொகுப்பாளினி அடுத்த
பாட்டை காற்றில்
பரப்பினாள்
கரிகாலென் காலெப்
போல..
கோலி மேல
ஃபிலிம் மேல
தீப்பெட்டி லேபிள் மேல
கிரிக்கெட் ஸ்டிக்கர் மேல
காமிக்ஸ் மேல
ஆடி கெலித்தது போல
சுளுவாக இல்லை
ஷேர் மார்க்கெட்டில்
‘பங்குகள்’ மேல
ஆடி கெலித்தல்* என்பது.
*கெலித்தல் : ஜெயித்தல்[ சென்னை மொழியில் ]
மருத்துவமனையில் பார்த்த
அப்பா முகம் ஞாபகத்தில்
இருப்பதில்லை..
வண்டி நின்ற ஊர்ப்பெயர்
சரியாக சொல்லும்,
கோலி சோடாவின்
சரியான பக்கத்தைக் காட்டும்,
எங்கள் ரிக்ஷாவை விட
வேகமாக நடக்கும்,
சொன்ன ஊருக்கெல்லாம்
மாற்றலில் போகும்,
மாநிலச் செய்திகள் மட்டும்
கேட்கும்,
வாடகை வீட்டிலும்
வண்ணமாக வாழ்ந்த
சிறுவயது அப்பா முகம்
ஆழப்பதிந்தே இருக்கிறது..
தார்ச்சாலையில் பதிந்த
நெல்மணிகளைப்போல.
எக்ஸ்ரே தீற்றலாய் வானமும்
கடந்து போகும் கம்பங்களும்
மெதுவாய் நகரும் மலைகளும்
எண்ணில்லா சாலைகோடுகளும்
செவியில் வழியும் இசையும்
எல்லாம் சேர்ந்த பயணம்
ஒரு திசையிலிருந்தாலும்
என் எண்ணங்களுக்கு
ஏனோ
திசையிருப்பதேயில்லை.