நல்முத்துப் பஞ்சணைமேல் நீயிருக்கும் வேளையிலே.. [ நீ எங்க தனியா இருந்தே.. ] நல்முத்துப் பஞ்சணைமேல் நாதனுடன் நீயிருக்கும் வேளையிலே நின் சொல்முத்துச் சொற்களால் எந்தன் குறை தீர்க்கச் சொன்னால் உன் வாய்முத்துச் சிந்திடுமா.. வாழ்வளிக்கும்.. அம்பிகையே ! - தருமி , திருவிளையாடல்
வாழ்ந்து கெட்டு,
வறுமையிலிருக்கும்
ஜமீன் குடும்பத்து
கடைசி வாரிசைப் பார்ப்பது
போல இருந்தது..
ஒரு பக்கம்
ராசி எலக்ட்ரிக்கல்ஸ்
மறு பக்கம்
மணி மெட்டல்ஸ்
விளம்பரம் போட்ட ,
பலகை உடைந்து,
தேங்காய் நார் பிய்ந்த
சீட்டோடு,
ஆளில்லாமல்,
ஒரே ஒரு சைக்கிள்
ரிக்ஷாவை பார்த்தபோது.
4 மணி நேரம்
மின்சாரமில்லை,
பாலாற்று தண்ணீர்
வருவதேயில்லை,
சொல்லப் பட்ட
தொழிற்சாலையும் வரவில்லை
கூடிக்கொண்டேயிருக்கிறது
கூரை வீட்டளவிற்கு
தார் ரோட்டின்
உயரம் மட்டும்.
கன்னுக்குட்டி 2 நிமிஷம்
குடித்தது போக
மீதியெல்லாம் கறந்து
டிப்போவில் விற்கும்
அமாவாசையை
மாடுகள்
ஒன்றும் செய்வதில்லை
குடும்பத்திற்கு கொஞ்சமும்
ஏஜண்டிற்கு அதிகமும்
கொடுத்து வாழும்
வெளிநாட்டில்
வேலை செய்வோரைப் போல..
பக்திப்பெருக்கும்,
ஆலயத்திருப்பணிகளும்
அதிகமாகிவிட்ட
இந்நாட்களில், ஓர் இரவில் ..
கல் மண்டபத்தூண்களும்,
அரச மரமும்
மூலவருடன்
பேசிகொண்டிருந்தன..
” கோயில் முழுதும்
சலவைக்கல்லும்,
கிரானைட்டுமாக
ஆகிடுச்சுங்க..
தகிடு அடிக்காம,
டைல்ஸ் ஒட்டாம
பாக்கி இருக்கறது
நாங்களும், நீங்களும்
மட்டும்தாங்க ” .