Skip to content

Date archive for: December 2010

அஷ்ட‌ல‌ஷ்மி

செய்த‌வ‌ருக்கு
செய்கூலி
கைக்கு
வ‌ர‌வில்லையென்றாலும்

பாதி நாட்க‌ள்
ம‌ண் அடுப்பில்
பூனைக‌ள்
ப‌டுத்திருந்தாலும்

ம‌டித்து செருக‌ப்ப‌ட்ட‌
எரவாண‌த்து
லாட்ட‌ரி சீட்டுக‌ளில்
ம‌ட்டும் சிரித்துக்கொண்டிருந்தாள்

அதிர்ஷ்ட‌ம் த‌ரும்
வேறு மாநில‌த்து
அஷ்ட‌ல‌ஷ்மி.

அந்நிய‌னுக்கு முன்னாலேயே

சிங்க‌த்தின் த‌லை போன்ற‌
வைக்கோல் லாரி

இடுப்பில் முள் ஜ‌ரிகை
வைத்த‌ க‌ரும்பு டிராக்ட‌ர்

தும்பி போன்ற‌
ஊராட்சி வ‌ண்டி

ப‌ல்லில்லாத‌ ரேடியேட்ட‌ர்
தெரியும் வி.எம். ப‌ஸ்

ஈ என்று சிரிக்கும்
பால‌விநாய‌க‌ர் ப‌ஸ்

மூக்கு வைத்த‌
ம‌ண்ணு லாரி

வ‌ண்டி மீது
அனுமார் ப‌ற‌ந்த‌ப‌டி
போன‌ ஏபிடி வ‌ண்டி

வ‌ண்டிக‌ளிலும், மேக‌ங்க‌ளிலும்

உருவ‌ங்க‌ள் பார்த்த‌ கால‌ம் அது.

அப்புற‌ம்..

அதிகாலை டியுஷ‌னில் பேசி
ப‌ள்ளிக்கு போகும் வ‌ழியில்
சைக்கிளில் பேசி
எல்லா வ‌குப்பிலும் பேசி
ப‌ரிட்சையிலும் பேசி [ சைட்ல வைடா ! ]
கிர‌வுண்டில் பேசி
தியேட்ட‌ரில் பேசி
ந‌டுராத்திரி சைக்கிளைத்
த‌ள்ளிக்கொண்டே பேசி

பேச்சை இறைத்துவிட்டோம்.

ப‌ல‌ வ‌ருட‌ம் க‌ழித்து
குடும்ப‌ம் ஆன‌ பின்
இப்போதெல்லாம்
போனில் அழைத்த‌வுட‌ன்
ஹ‌லோ கூட‌ சொல்லாம‌ல்
கேட்கிறான், ப‌ழைய‌ ந‌ண்ப‌ன்..

“சொல்டா.. அப்புற‌ம் ?!”.

வெறுமை

ம‌திய‌ம் மூன்று ம‌ணிக்கு
க‌ல்யாண‌ ம‌ண்ட‌ப‌த்தில்
சேர்க‌ள் அடுக்கி,
அட்ச‌தை அரிசி
பெருக்கும் போது

இர‌ண்டாவ‌து ஆட்ட‌ம்
முடிந்து க‌டைசி ஆளாய்
வ‌ண்டியை எடுக்கும்போது

முள் செடியும்
புத‌ரும் ம‌றைத்த‌
ப‌ழைய‌ ராஜ‌ல‌க்ஷ்மி
தியேட்ட‌ரைப்
பார்க்கும்போது

ஏற்ப‌டுவ‌து.

%d bloggers like this: