Skip to content

Date archive for: March 2011

துப்பில்லாத‌வ‌ன்

குடும்ப‌ ந‌ல‌ம் கேட்பேன்,
குழ‌ந்தைக‌ளுக்கு பிஸ்க‌ட்
வாங்கிச் செல்வேன்,
அர‌சிய‌ல் பேசுவேன்,
சொல்லும் க‌ஷ்ட‌ங்க‌ள்
கேட்டுக்கொள்வேன்,
என் க‌ஷ்ட‌ம்
த‌டுமாறிச் சொல்வேன்,
எல்லாம் செய்வேன்..

த‌ந்த‌ க‌ட‌னைத்
திருப்பிக் கேட்க‌ முடியாம‌ல்
திரும்பி விடுவேன்.

கொடுத்த‌ க‌ட‌னைக்
கேட்டு வாங்க‌த்
துப்பில்லாத‌வ‌ன்
என்ற‌ ப‌ட்ட‌த்தை வாங்க‌..

வ‌ளைந்து க‌ட‌க்கும் 2 நிமிட‌ம்

அகால‌த்தில் ந‌ட‌ந்த‌
ஊழிய‌ரின்
ம‌ர‌ண‌ங்க‌ளுக்கு
அலுவ‌ல‌க‌த்தில்
2 நிமிட‌ம் அஞ்ச‌லி
செலுத்த‌ப்ப‌டும்..

ஓயாத‌ பேச்சுக‌ளும்,
நெருக்க‌டிக‌ளும்,
வேலைக‌ளும்
அந்த‌ 2 நிமிட‌ங்க‌ளை
இல‌குவாக‌ வ‌ளைந்து
க‌ட‌ந்து விடும்

நெடுஞ்சாலையில்
ந‌ட‌ந்த‌ விப‌த்தின்வில‌கி,
வ‌ளைந்து செல்லும்

ப‌க்க‌மாக‌ப் போகாம‌ல்

வாக‌ன‌த்தைப்போல‌..

விசித்திர‌மான‌ வ‌டிக‌ட்டி

ப‌ழ‌கிய‌ முக‌ங்க‌ளைப்
பார்க்கும்போது

சில‌ முக‌ங்க‌ள்
இனிமையான‌ நினைவுக‌ளை
ம‌ட்டும்

சில‌ முக‌ங்க‌ள்
க‌ச‌ப்பான‌ க‌ட‌ந்த‌வைக‌ளை
ம‌ட்டும்
தேக்கி நிற்கும்.

ம‌ன‌ம் ஒரு
ஜ‌ல்லா துணியைப்போல‌
ஒரே நேர‌த்தில்
*வ‌டிகூடையாக‌வும்
ப‌ன்னாடையாக‌வும்
ஆக‌ நேரிடும்

விசித்திர‌மான‌
வ‌டிக‌ட்டி அது.

*வ‌டிகூடை ‍ –  சோறு வ‌டிக்கும் பிர‌ம்புக்கூடை

அட்ச‌ய‌ பாத்திர‌ம்

அஞ்சோ ப‌த்தோ
காசுக‌ள்,
ம‌ந்தாரையில் க‌ட்டிய‌
நீட்டு காராசேவு,
கோடி வீட்டில்
க‌ல்யாண‌த்தில்
வைத்த‌ ஆயிர‌ங்க‌ண்
மை‌சூர்பாகு,
இனிப்பு பாக்கு,

ஏதோ ஒன்றை
எப்ப‌டியோ
எடுத்துக் கொடுப்பாள்
ஆயா

அட்ச‌ய‌ப் பாத்திர‌த்தை
அடுக்குப்பானையாக‌
உருவ‌க‌ம் செய்ய‌
ஆர‌ம்பித்த‌து அப்ப‌டித்தான்.

%d bloggers like this: