Skip to content

Date archive for: June 2011

ஒரு கிளாஸ் அஞ்ச‌லி

ஒன்றாக‌ப் ப‌டித்த‌ ந‌ண்ப‌ர்க‌ள்
ப‌ல‌ கால‌ம் க‌ழித்து
சேர்ந்து குடித்த‌ன‌ர்..

ஹாஸ்ட‌ல் நாட்க‌ளில்
ச‌க‌ட்டு மேனிக்கு
அடித்துப் பின்னிய
வார்ட‌ன் ஜார்ஜ் ப‌ற்றி
திட்டிய‌ப‌டியே
குடித்த‌ன‌ர்..

ச‌ற்று யோசித்து சொன்னான்
ஊரிலிருந்து வ‌ந்த‌ ஒருவ‌ன்..

இல்ல‌டா.. ஜார்ஜ் உட‌ம்புக்கு
முடியாம‌ கிட‌ந்து
யாரும் கூட‌ இல்லாம‌லேயே
செத்தாராம் என்று..

ஒரு க‌ண‌ம் யோசித்து
என்ன‌ இருந்தாலும் ஜார்ஜ்
ந‌ல்ல‌வ‌ன்டா..
இது ஜார்ஜுக்காக‌டா
என்று‌ அடுத்த‌
கிளாஸ் ஊற்ற‌ப்பட்ட‌து.

க‌வ‌னிக்க‌வில்லை

 30 வ‌கை ஆர‌த்தி எடுத்த‌து,
ஆண்க‌ள், பெண்க‌ள் ப‌ர‌ஸ்ப‌ர‌ம்
ர‌சித்துக்கொண்ட‌து,
கொள்ளு தாத்தா வீல் சேரில்
மேடையேறி ஃபோட்டோ
எடுத்த‌து,
சிறுமிக‌ள் லிப்ஸ்டிக்கோடு
சேர்த்து ஐஸ் க்ரீம் சாப்பிட்ட‌து,
வ‌ய‌லினில் சினிமாப்பாட்டு
வாசிக்க‌ப்ப‌ட்ட‌து,
பாக்கு முழுங்கி சிறுவ‌ன்
அழுத‌து,

இவை எதையுமே
க‌வ‌னிக்க‌ முடிய‌வில்லைத‌ன் க‌ல்யாண‌
சேமிப்பிற்காக‌,
அடுப்பின் அன‌லில்
அப்ப‌ள‌ம் சுடும்
அண்ணாம‌லைக்கு

யூகிக்க‌ முடியாத‌து

வாழ்வில் எதிர்ப்ப‌டும்
ச‌ம்ப‌வ‌ங்க‌ள்
ம‌ட்டும‌ல்ல‌

நாம் அம‌ர்ந்து
காத்திருக்கும்
பேருந்தின் ஓட்டுன‌ர்
வ‌ரும் திசையும்

ம‌ருந்து க‌டைக்கார‌ர்
மாத்திரை வெட்டும்
திசையும் கூட‌

யூகிக்க‌ முடியாது.

பாலும் தெளிதேனும்

செருப்பு டோக்க‌ன்
ப‌த்திர‌ப்ப‌டுத்த‌ணும்

பூக்க‌டையில‌ மீதி
சில்ல‌றை வாங்க‌ணும்

ப‌ச‌ங்க‌ளை ஓடாம‌
பாத்துக்க‌ணும்

சிற‌ப்பு த‌ரிச‌ன‌மா
சித்தெறும்பு த‌ரிச‌ன‌மான்னு
முடிவு ப‌ண்ண‌னும்

ப‌ர்ஸோ செல்போனோ
இருக்கான்னு பாத்துக்க‌ணும்

த‌ட்டுல‌ போட ப‌த்து
ரூபா அதிக‌மோன்னு யோசிக்க‌ணும்

ப்ளூ சுடிதார் இங்க‌ தானே
இருந்தான்னு தேட‌ணும்

நெய் விள‌க்கை எங்க‌ ஏத்த‌
சொன்னான்னு துண்டு சீட்ட‌ப்
பாக்கணும்

என்னது..

அக‌வ‌ல் சொல்லாம‌ போற‌னா..
ஆளை உட்றா சாமீ.

%d bloggers like this: