Skip to content

Date archive for: August 2011

காத்திருத்த‌ல்

ஏதேனும் ஒரு வாக‌ன‌த்திற்காக‌,
asdfg ;lkjh அடிக்க‌ வ‌ருப‌வ‌ளுக்காக‌,
த‌டுப்பூசி போடுவ‌த‌ற்காக‌,
முடி வெட்டிக்கொள்ள‌
என் முறை வ‌ர‌,
சிக்னலில் ப‌ச்சை விழ‌,
ந‌டு இர‌வில் போன‌
மின்சார‌ம் திரும்பி வ‌ர‌,
அர‌சு அலுவ‌ல‌ரின்
கையெழுத்து வாங்க‌,
பெரிய‌ டாக்ட‌ர் ர‌வுண்ட்ஸ் வ‌ர‌,
முடிய‌ப்போகும் உரையாட‌லுக்காக‌,

இப்ப‌டியெல்லாம் காத்திருந்து
த‌ற்போது

வேறு மாதிரியாக‌க்
காத்திருக்கிறேன்

நிக‌ழ்வுக‌ளை சும‌ந்துகொண்டு
பொருத்த‌மான‌
உவமைக்கும்
வார்த்தைக‌ளுக்கும்.

ச‌ந்தோஷ‌மா இருக்கியா ?

“எங்க‌ வீட்ல‌
செவ்வாய்கிழ‌மை
க‌வுச்சி கெட‌யாது
துர்க்கைக்கு விர‌த‌மிருக்க‌ணும்”

“காபி கொடுத்தா
தாங்க்ஸ் சொல்ல‌ மாட்டீங்க‌ளா”

“ப‌ஸ்ஸுல‌ போனாலே
என‌க்கு பெர‌ட்டும்”

“ஒண்ணு சொன்னா
கோச்சிக்க‌ மாட்டிங்க‌ளே”

போன்ற‌

ம‌ண‌மான‌ முத‌ல் வார‌த்தில்
மாறுப‌டுத‌லின் முத‌ல்
இலைக‌ள் துளிர்ப்ப‌தில்
க‌ல‌வ‌ர‌மாகிறான்
ஆண்.

எந்த‌ அப்ப‌னும்ம‌க‌னைத் த‌னியாக‌
அழைத்துக்
கேட்ப‌தில்லை

ம‌ரும‌க‌
உன்னை ந‌ல்ல‌ப‌டியா
பாத்துக்கிறாளாப்பா
என்று.

நானும் நானும் க‌ட‌ந்த‌ ஊர்வ‌ல‌ம்

துலுக்க‌ சாம‌ந்தியும்,
ரோஜாவும், ப‌ன்னீரும்,
ச‌ர‌வெடியும்
க‌ந்த‌க‌ நெடியுமாய் ப‌ல்வேறு
மாலை இறைத்து,
சாலை நிறைத்து
போய்க்கொண்டிருந்த‌
ஓர் ஊர்வ‌ல‌த்தைக்
க‌ட‌ந்த‌ன‌ர் இருவ‌ர்.

ட‌ச் செல்போனும்,
மெல்லிய‌ க‌ண்ணாடியும்,
பிசின‌ஸ் இத‌ழும்,
தாம‌த‌மாகும் ச‌லிப்புமாக‌
வெறும் வெளித்தோற்ற‌மாக‌
இன்னொருவ‌னும்

சூழ‌ல் ம‌ற‌ந்து
அடிக்கும் மேள‌த்திற்கும்
துரித‌மான‌ தாள‌த்திற்கும்
நாக்கைக் க‌டித்த‌படியாடும்
என‌க்குள்ளே உண்மையான‌

நானும்.

இன்னும் கொஞ்ச‌ம்

இன்னும் கொஞ்ச‌ம் உய‌ர‌மாக‌
இன்னும் கொஞ்ச‌ம் பெரிய‌ வ‌ண்டியோடு
இன்னும் கொஞ்ச‌ம் முடி வெளுக்காம‌ல்
இன்னும் கொஞ்ச‌ம் காசோடு
இன்னும் கொஞ்ச‌ம் வேறு வேலையில்
இன்னும் கொஞ்ச‌ம் க‌ட‌னில்லாம‌ல்
இன்னும் கொஞ்ச‌ம் வெளிநாட்டில்
இன்னும் கொஞ்ச‌ம் த‌ங்க‌ம் சேர்த்து
இன்னும் கொஞ்ச‌ம் புரித‌லோடு

இப்படி ஏதும்
சிந்திக்காம‌ல்

குறைந்தது..
இன்னும் கொஞ்ச‌ம்
வாழ்ந்தாவ‌து தொலைத்திருக்க‌லாம்

சாவ‌காச‌மாக‌
%d bloggers like this: