நல்முத்துப் பஞ்சணைமேல் நீயிருக்கும் வேளையிலே.. [ நீ எங்க தனியா இருந்தே.. ] நல்முத்துப் பஞ்சணைமேல் நாதனுடன் நீயிருக்கும் வேளையிலே நின் சொல்முத்துச் சொற்களால் எந்தன் குறை தீர்க்கச் சொன்னால் உன் வாய்முத்துச் சிந்திடுமா.. வாழ்வளிக்கும்.. அம்பிகையே ! - தருமி , திருவிளையாடல்
யாரும் யாரையும்
கவனிக்கவே முடியாத
நெரிசலான
ஒரு மாநகர பஸ் பயணத்தில்
“ப்ளூஸ்டார் ஒண்ணு..
பாஸ் பண்ணுங்களேன்”
என்று 100 ரூபாய்
கொடுத்தார் ஒருவர்..
ஒரு கையில்
கட்டைப பையும்
கம்பியும் பிடித்து
தடுமாறாமல் அந்த நோட்டை
வாங்கி பாஸ்
பண்ணுவதற்குள்
“அப்படியா.. எப்போ ?”
என்று யாரோடோ
போனில் பேசி
அவசரமாக
சிக்னலில் இறங்கிவிட்டார்
அவர்..
என் நேர்மையைப்
பார்த்து பல்லிளித்தபடியே
இருந்தது
பாஸ் செய்யப்படாத
அந்த 100 ரூபாய் !
ஒவ்வொரு சருகில்
காதலையும்
ஒவ்வொரு பூவில்
முத்தத்தையும்
விடாமல்
அனுப்பிக்கொண்டே இருந்தது
மரம்.
கண்டுகொள்ளாமல்
சும்மா
படுத்துக்கிடந்தது
நிலம் !
புது வருஷமுமில்லை ,
ஓணமுமில்லை,
ஆனாலும்
விடிய விடிய
தெருவில்
ஒவ்வொரு பூவாக
உதிர்த்து
பூக்கோலம் போட்டிருந்தது
பெருங்கொன்றை
மரம் !