Skip to content

Date archive for: October 2015

பெருந்தீ

மூச்சிலே முகில்கள்
கலைத்தாய் – பார்வை
வீச்சிலே என் இரவுகள்
எரித்தாய்
உன் வனப்பிலே என் வசம்
இழக்க வைத்தாய்
உடல் மேலெழ
மார்க்கச்சை தெறிக்க வைத்து
மூட்டி வைத்தாய்..
என்னுள் ஒரு பெருந்தீ
பச்சை பசேலென.

தெரியாமல்

தூர்வாரப் படப்போவது
தெரியாமல்
கரை மேல் நின்றிருக்கும்
ஜேசிபியைப் பார்த்து
உற்சாகமாய் தலையாட்டியபடி
நீர் தெறிக்க,
காற்றில் மடியும் இலைகள்,
மடலவிழும்
தாமரைப்பூக்கள்

%d bloggers like this: