நல்முத்துப் பஞ்சணைமேல் நீயிருக்கும் வேளையிலே.. [ நீ எங்க தனியா இருந்தே.. ] நல்முத்துப் பஞ்சணைமேல் நாதனுடன் நீயிருக்கும் வேளையிலே நின் சொல்முத்துச் சொற்களால் எந்தன் குறை தீர்க்கச் சொன்னால் உன் வாய்முத்துச் சிந்திடுமா.. வாழ்வளிக்கும்.. அம்பிகையே ! - தருமி , திருவிளையாடல்
50 ஏக்கர் வருமாம்
2 தோப்பும் அடக்கமாம்
நெல்லூரில் ரைஸ்
மில்லாம்
அம்மாவின் நகை
கணக்கில்லையாம்
அவன் தந்தை
அப்படித்தான்
சொல்லியிருக்கிறாராம்
என்னைப் பற்றிக்
கேட்டான்
எனக்கும் காத்திருக்கிறது..
பழுதடைந்த பான்க்ரியாவும்
செழித்த
சிஸ்டாலிக் அழுத்தமும்.
பார்க்கர் பயன்படுத்திப்
பார்த்தேன்
பேனா நிப்பை
கண்ணாடியில்
தேய்த்துப் பார்த்தேன்
1 ரூபாய்
பேனா அவமானமென
விட்டேன்
புதுப் பேனா
பேப்பரைக்
கிழிப்பதோடு சரி
ஏனோ
கிடைப்பதில்லை
“இங்க கையெழுத்து போடுங்க”
என்று கூரியர்காரர் தந்து
வழவழப்பாக எழுதிய
பேனா போல.
அனுமார் கோயிலில்
யோகா வகுப்பு
சவாசனம்
முடிந்ததும் ஓடுவோம்
எஸ்.எல்.விக்கு
கேசரிபாத்,
டபுள் இட்லி சாப்பிட
கார்போஹைட்ரேட்டும்,
ட்ரைகிளிசெரிட்டும்
தெரியாத
மழைக்கால
காலைகளில்.
எப்போதும்
அடாவடியாக
பேரம் பேசுவோம்
4த் ப்ளாக் பசவப்பாவிடம்
மாற்றலுக்கு முன்
நடந்த கடைசி பேரம்
வேறு மாதிரி
நான் அதிகம் கொடுப்பேனென
அவன் பணமே வேண்டாமென,
கலங்கிய கண்ணோடு.